निखिल उप्रेती र सौगात मल्ल स्टारर फिल्म ‘संरक्षण’को आइटम गीत रिलिज भएको छ। मधेश केन्द्रित गीतमा नायक द्धय निखिल र सौगात दुवै देखिएका छैनन्। ‘किशोरी लाल’ बोलको आइटम गीतमा रितिका परमेश्वरा, परवेश मल्लिक र प्रेम प्रकाश करनको आवाज छ भने रोशन जनकपुरीको शब्द छ। गीतमा प्रभाष मल्लिकले संगीत सुन्न सकिन्छ। यो गीतलाई कविराज गहतराजले कोरियोग्राफी गरेका हुन्।
पूर्णेन्द्रकुमार झाले निर्देशन गरेको फिल्ममा निखिल उप्रेती, सौगात मल्ल, कामेश्वर चौरासिया, मलिना जोशी, प्रमोद अग्रहरी, कामेश्वर चौरासिया, अशिष्मा नकर्मीको मुख्य भूमिका रहेको छ।
प्रदिपकुमार उदय र नरेन्द्र महर्जनले संयुक्त रुपमा निर्माण गरेको फिल्ममा परवेश मल्लिकको संगीत, पुरुषोत्तम प्रधानको छायांकन, हिमाल केसीको एक्सन छ। राजनीति, क्राइम, पत्रकारिता लगायतको कथालाई एकसाथ यो फिल्ममा उतारिएको छ। फिल्मको ट्रेलर केही दिन अगाडि रिलिज भएको थियो (ट्रेलर हेर्न यहाँ क्लिक गर्नुहोस्)। यो फिल्म साउन २७ गते बाट रिलिज हुँदैछ।
