सबिन र आठ बर्षिया दीक्षाको गज्जबको नृत्य ‘भाईरल भैदियो’ भिडियो

गायक, गीतकार तथा संगीतकार मानस राजको नयाँ गीत ‘भाईरल भैदियो’ गीतको भिडियोएक युवतीलाई एकोहोरो माया गर्ने युवकले आफ्नो मनको कुरा नृत्य शैलीमा भनिरहेका छन्। मनको याद भाईरल भएको भन्दै युवतीको पछि पछि ति युवक देखिन्छन्। गीतमा आठ बर्षिया दीक्षा ठकुरीको मनोरञ्जक नृत्य समेत छ।

स्वर, शब्द तथा संगीत मानस राजको रहेको यस गीतको भिडियोलाई सबिन कार्की ‘बिस्ट’ले तयार पारेका हुन्। सबिनको लोभलाग्दो नृत्यसँगै उनि आँफैले निर्देशन तथा सम्पादन समेत गरेका छन्। प्रयोग गर्न रुचाउने सबिनले यस भिडियोमा पनि कथा तथा उत्कृष्ट नृत्य प्रस्तुत गरेका छन्। यस गीतका एरेन्जर उदय राज पौडेल हुन्।

धादिङ्की आठ बर्षिया दीक्षाले यसै भिडियोबाट नृत्यसँगै अभिनय शुरु गरेकी हुन्। उनले यसअघि केहि गीतका कभर भिडियोमा नृत्य गरेकी थिइन्। भिडियो रिलीजसँगै दीक्षाको प्रतिभाको तारिफ गरिएको छ।

गीतका गायक, रचनाकार तथा संगीतकार मानस राजले लेखेको ‘पिरतीको छाता ओढाउँला’ बोलको चलचित्र ‘रेशम फिलिली’को गीत निकै चर्चित बनेको थियो। त्यस्तै, चलचित्र ‘डायरी’को चर्चित ‘माया माया’मा मानसको शब्द तथा संगीत थियो।

मानसले रचना गरेका पचास बढि गीतहरुमा मोहन भुसाल, सनुप पौडेल, हेमन्त राना, काली प्रसाद बास्कोटा, अल्मोडा राना लगायतले स्वर दिईसकेका छन्। मानसले रंगमञ्चमा दश वटा नाटकमा अभिनय समेत गरेका छन्।