‘सुपर गोर्खे’ मार्फत कम ब्याक गर्दैछिन् ‘नाईं नभन्नु ल’ हिरोईन – ऋचा । हेर्नुहोस् तस्विरहरु

म्युजिक भिडियो मोडलिङमा रमाइरहेका बेला ऋचा सिंह ठकुरीलाई विकास आचार्यले फिल्म ‘नाईं नभन्नु ल’मा हिरोइन बनाए। नायक जीवन लुईंटेलसँग स्क्रिन सेयर गर्न पाउँदा ऋचा निकै खुशी थिइन्। त्यसमाथि फिल्म व्यावसायिक रुपमा हिट पनि भयो। त्यसपछि ऋचाले ‘मनमनै मन पराएँ, माया गर ल, खुड्किलो, म तिम्रै भइसके’ लगायतका फिल्महरुमा काम गरिन्। तर, ‘नाई नभन्नु ल’ले उनको जति हाईप बढाएको थियो, ति फिल्महरुले उनको फिल्मी करिअर अघि बढाउन सकेन। संग संगै उनले अस्ट्रेलिया बस्दै आएका गजेन्द्रराज थापासँग विवाह गरिन्। विवाहपछिका तीन वर्ष घरजममा व्यस्त भएकी यी हिरोइनले आफ्नै लगानीमा नयाँ फिल्म लिएर आएकी छन्, सुपर गोर्खे। फिल्मलाई उनकै पतिले निर्देशन गरेका हुन्। नयाँ हिरोइनहरुको बोलवाला भएको यो समयमा उनको ‘कमब्याक’ कस्तो होला ? २९ मंसिरमा सुपर गोर्खे प्रदर्शनपश्चात् नै थाहा हुनेछ। हेर्नुहोस्, फोटोग्राफर कमल श्रेष्ठले सन् २०११ मा खिचेका उनका आकर्षक तस्विरहरु: