ट्रेलरमा एस्तो छ : निखिल स्टारर 'पिंजडा, ब्याक अगेन'

राजधानीमा एक कार्यक्रमको आयोजना गर्दै फिल्म निर्माण पक्षले निखिल स्टारर फिल्म ‘पिंजडा ब्याक अगेन’को ट्रेलर रिलिज गरेको छ। ट्रेलरमा एक्सन, प्रेम, कमेडी र रोदनलाई जोडिएको छ। द्वन्द निर्देशक हिमाल केसीको निर्देशनमा तयार भएको फिल्म भएकोले होला ट्रेलरमा एक्सनलाई बढि प्राथमिकता दिईएको छ। यो फिल्ममा निखिल उप्रेती, सारा सिर्पाली, ज्याक श्रेष्ठ, सुष्मिता केसी, पुकार भट्टराइ, भोला सापकोटा, कुशाग्र भट्टराई, विना थापाको मुख्य भूमिका छ।

श्रीराम बरालको प्रस्तुतीमा तयार भएको फिल्ममा रोहित पुरी, चन्द्र बहादुर क्षेत्री, गोविन्द गैरेले मिलेर लगानी गरेका छन् भने वसन्त शर्मा र सुशान्त श्रेष्ठ कार्यकारी निर्माता हुन्। मौनता श्रेष्ठको कथामा तयार भएको फिल्मलाई सौरभ लामाले खिचेका हुन्। रामजी लामिछानेले कोरियोग्राफी गरेका छन्।

राजनराज शिवाकोटी, वसन्त सापकोटा र अर्जुन पोखरेलको संगीत रहेको फिल्ममा समावेश दुई गीत यसअघि नै रिलिज गरिसकिएको छ। दुबै गीतको भिडियोलाई दर्शक स्रोतले युट्युवमा औधी मन पराएका छन्। माघ ४ गतेबाट यो फिल्म प्रदर्शन आउदै छ।