फागुन ११ गते बाट प्रदर्शनमा आउन लागेको फिल्म ‘रोमियो एण्ड मुना’ मा शमबेश गरिएको ‘स्याण्डविच मी’ गीतको भिडियो केहि दिन अघिमात्र रिलिज गरिएको थियो। यो गीत रिलिज गर्न फिल्म निर्माण पक्षले एक कार्यक्रमको आयोजना नै गर्यो। जहाँ फिल्मका हिरो विनय श्रेष्ठ दुई जना विकिनी गर्ल्स सँग कम्मर मरकाउदै कार्यक्रम हलमा प्रवेश गरे। यो बिषयमा फिल्म निर्माण पक्षले आलोचना समेत भोग्नु पर्यो। यु ट्युवमा समेत सिमित उमेर समुहलाई मात्र हेर्न मिल्ने गराइएको गीतको भिडियोलाई यतिबेला नेपाली टेलिभिजन च्यानलहरुले समेत प्रशारण गर्न अस्विकार गरिरहेका छन्।
किन यो गीत निषेध गर्नु पर्ने अवस्थामा पुग्यो त? भन्ने जिज्ञाशामा फिल्मका निर्माता प्रशन्न गोपालीले भने -‘भल्गर भयो भन्ने कुरा आएको छ’। निर्देशक नरेश कुमार केसी भने रोमियाको क्यारेक्टर अनुसार कै उक्त गीतको भिडियो बनाइएको दाबी गर्छन्। निर्देशक भन्छन -‘गाउँकी मुना र शहरको रोमियो बिचको कथा हो। त्यसैले दुवैको पृष्ठ भूमि भिन्न छ। जुन गीतमा पनि भिन्नता देखिन्छ’। फिल्ममा विनय श्रेष्ठ र सृष्टि श्रेष्ठको मुख्य भूमिका छ।
