दयाहाङ्ग र श्वेताको क्लासिक केमिस्ट्री ! हेर्नुहोस् ‘कान्छी’ फिल्मको कलरफुल गीत

दयाहाङ राई र श्वेता खड्का अभिनित फिल्म ‘कान्छी’ को ‘यो जिउ दाउमा लाउने’ बोलको गीत सार्वजनिक भएको छ। भिडियोमा दया र श्वेता क्लासिक लुक्समा देखिएका छन्। भिडियोमा दया र श्वेतासंगै कामेश्वर चौरासिया, अनु शाह, भूमिका श्रेष्ठ पनि देखिएका छन्। गीतमा दयाराम पाण्डेको शब्द , अर्जुन पोखरेलको संगीत र धर्मेन्द्र सेवानको स्वर सुन्न सकिन्छ। वसन्त श्रेष्ठले कोरियोग्राफी गरेको यो भिडियोलाई पुरुषोत्तम प्रधानले खिचेका हुन्। फागुन ४ गतेबाट प्रदर्शनमा आउन लागेको ‘कान्छी’लाई ‘कोहिनूर’ फेम निर्देशक आकाश अधिकारीले निर्देशन गरेका हुन्। मुस्ताङ, अप्पर मुस्ताङ, जोमसोम र राजधानी लगायतका ठाउँमा खिचिएको यस फिल्मको अघिल्लो गीत ‘चरी चट्ट’ ले दर्शकको मन जितिरहेको छ।