'कान्छी' सोलो रिलीज - दङ्ग परिन श्वेता

आफ्नो फिल्म सोलो रिलिज हुने भएपछि ‘कान्छी’ अर्थात् श्वेता खड्का दङ्ग परेकी छिन्। फागुन ४ गते बाट छविराज ओझाको फिल्म ‘मङ्गलम’ को रिलिज मिति पछि सरेपछि सोहि मितिमा श्वेता खड्को ‘कान्छी’ सोलो रिलिज हुने भएको हो। एक मात्र फिल्म हुँदा ‘कान्छी’लाई प्रदर्शनमा सहज हुने पक्का छ। आकाश अधिकारी निर्देशित यो फिल्ममा श्वेता र दयाहाङ राई मुख्य भूमिकामा छन्।

‘कान्छी’लाई सोलो रिलिज गराउँन सहयोग गर्ने सबैलाई धन्यवाद, श्वेता भन्छिन्, अब यो फिल्म झनै धेरै दर्शकले हेर्न पाउँनु हुनेछ। फिल्मले दर्शकलाई निराश पार्दैन। कान्छीमा समावेश चरी चट्ट बोलको गीतले युट्युवमा ८० लाख भन्दा बढी भ्युज पाइ सक्दा ‘कान्छी’ प्रति दर्शकको चासो निकै रहेको श्वेता बताउँ छिन्। फिल्म निर्माण युनिट माघको पहिलो साता फिल्मको ट्रेलर रिलिज गर्ने तयारीमा छ।

याम थापाको लेखन रहेको कान्छीमा श्वेता र दया सँगै निर शाह, अनु शाह, प्रज्वल सुजल गिरी, भूमिका श्रेष्ठ, कामेश्वर चौरसिया, आशान्त शर्मा लगायतका कलाकारको अभिनय छ। संगीत राजनराज सिवाकोटी र अर्जुन पोखरेलले दिएका छन्। फिल्मलाई पुरुषोत्तम प्रधानले खिचेका हुन्।