Teriya Phounja Magar
जेठ ८ गतेदेखि प्रदर्शनमा आउन लागेको नेपाली फिल्म ‘मितज्यू’लाई निर्माण टिमले मनोरञ्जन र भावनाको ‘कम्प्लिट प्याकेज’को रूपमा प्रस्तुत गरेको छ। सामाजिक कथा मात्र होइन, दर्शकलाई पूर्ण मनोरञ्जन दिने उद्देश्यले फिल्ममा संस्कृति, मित्रता, गाउँले जीवन र नृत्यलाई विशेष प्राथमिकता दिइएको छ।
यसै कारण फिल्ममा नेपाल र भारतमा आफ्नो नृत्य प्रतिभाले चर्चा कमाएकी Teriya Phounja Magar मुख्य भूमिकामा देखिँदैछिन्। तेरिया यो फिल्ममा केवल नृत्यका लागि मात्र नभई कथाको महत्वपूर्ण पात्रको रूपमा प्रस्तुत भएकी हुन्।
‘मितज्यू’मार्फत तेरियाले पहिलोपटक अभिनय यात्रा सुरु गर्दैछिन्। दर्शकले फिल्ममा उनको नृत्य मात्र होइन, अभिनय क्षमता पनि हेर्न पाउनेछन्। हालसम्म सार्वजनिक पोस्टर र टिजरले पनि उनको भूमिकालाई विशेष रूपमा प्रस्तुत गरिसकेको छ।
गत वर्ष ‘घर ज्वाइँ’ जस्तो सफल फिल्म दिएका निर्देशक Anil Budha Magarले निर्देशन गरेको ‘मितज्यू’मा नेपाली सिनेमाका लोकप्रिय अभिनेता Dayahang Rai र Saugat Malla आमनेसामने देखिनेछन्। यी दुई कलाकारको स्क्रिन केमिस्ट्रीलाई दर्शकले पहिले पनि रुचाउँदै आएका छन्।
फिल्ममा तेरिया, दयाहाङ र सौगातसँगै खड्गबहादुर पुन मगर (खबपु), शिशिर वाङ्देल, पुस्कर गुरुङ, राज थापा, सुवर्ण थापा, अनु थापा र स्मिता लामिछानेको अभिनय रहेको छ।
जनक घर्ती मगर निर्मित फिल्मले नेपाली गाउँको संस्कार, संस्कृति, रहनसहन र मित्रताको कथा प्रस्तुत गर्नेछ। निर्माण टिमका अनुसार ग्रामीण परिवेशमा आधारित यो फिल्मले धेरै दर्शकको मन छुने विश्वास लिइएको छ।
यो पनि पढ्नुहोस्: दर्शकले मन पराएको जोडी ‘मितज्यू’मा दयाहाङ र सौगातको द्वन्द्व
