झण्डै पाँच बर्षपछि नेपाली फिल्ममा देखिएका एक्सन अभिनेता बिराज भट्टको फिल्म ‘जय परशुराम’ को ट्रेलर सार्वजनिक भएको छ। राजधानीमा फिल्म निर्माण युनिटले कार्यक्रम आयोजना गर्दै फिल्मका प्रमूख कलाकारहरुको उपस्थितीमा ट्रेलर सार्वजनिक गरेको हो।
प्रहरीको भूमिकामा विराजलाई देखाईएको ट्रेलरमा एक्सन दृश्यहरुलाई प्राथमिकता दीईएको छ। फिल्ममा बिराजका अलावा रविन तामाङ र निशा अधिकारीले मुख्य भूमिका निभाएका छन्।
फिल्मलाई रोज राणाले निर्देशन गरेका हुन्। निर्माता राणाले यसै फिल्मबाट निर्देशनमा डेब्यु गरेका हुन्। उपमा केसी कार्यकारी निर्माता रहेको यो चलचित्रमा मिलन श्रेष्ठ, कुमार बस्नेत, रुपक राणा र रुपम राणा निर्माता रहेका छन्।
मौनता श्रेष्ठको लेखन रहेको ‘जय पर्शुराम’मा एनबि महर्जनको एक्शन रहेको छ। महेश खड्काको संगीत छ भने रामेश्वर कार्कीको छायांकन र सुवास देवकोटाको सम्पादन रहेको छ। फिल्म साउन २८ गते बाट अलनेपल रिलिज हुनेछ।
