‘स्मृति-२’ को तयारीमा दिपेश

ग्ल्यामर नेपाल, काठमाडौं । अमेरिका पलायन भएका गायक दिपेशकिशोर भट्टराई नयाँ एल्बमको तयारीमा लागेका छन्। हालै स्वदेश फर्किएका दिपेशले एल्बमको नाम पनि जुराइसकेका छन्, स्मृति -२। एल्बमको तयारी अन्तिम चरणमा पुगेको छ। दर्शक / श्रौतासँगको सम्बन्ध नटुटोस् भनेर एल्बम निकाल्न लागेको दिपेशले बताए। ‘एल्बममा मेरो आफ्नै शैलीका गीतहरु हुनेछन्,’ उनी भन्छन्, ‘दर्शक / श्रौताले पक्का पनि मन पराउनुहुनेछ। एल्बममा समावेश गीतको शब्द योगेन्द्रमणी दाहाल र संगीत राजु सिंहको रहने छ। जेठको पहिलो हप्ता एल्बम सार्वजनिक गरेपछि दोस्रो हप्ता उनी फेरि अमेरिका उड्नेछन्। अमेरिकामा पनि उनी विभिन्न साँस्कृतिक कार्यक्रममा प्रस्तुती दिने गर्छन्।