सेन्सर झमेलामा परेको फिल्म ‘गाँजाबाजा’को ‘ह्पाप्पी ह्याप्पी मूड…’

विकास बोर्डको सेन्सर झमेलामा २ वर्ष देखि फसेको फिल्म ‘गाँजाबाजा’ले प्रदर्शन मिति तोक्दै फिल्मको एक गीतको भिडियो रिलिज गरेको छ। फागुन २५ गते प्रदर्शन मिति तय गरेको यो फिल्मको ‘ह्पाप्पी ह्याप्पी मूड…’ बोलको गीत पछिल्लो समय नेपाली फिल्मका चल्तीमा रहेका गीत भन्दा फरक छ। निख एण्ड जटाको संगीत रहेको गीतमा जटावेदा बेनर्जीको स्वर सुन्न सकिन्छ। गणेशदेव पाण्डेको लेखन तथा निर्देशन रहेको यो फिल्म विकास बोर्डको सेन्सर झमेलामा २ वर्ष देखि फसेको थियो। अनुपम शर्मा, सुशील सिटौला, रविन थापा, उद्दव भट्टराई, अम्बर सुवेदी, वर्षा सिवाकोटी, रक्षा श्रेष्ठ, जीवन भट्टराई, गोपाल अर्याल, कुविर सुब्बा लगायतका कलाकारको अभिनय रहेको यो फिल्म याकोपो रास्लिकले खिचेका हुन्।