बलिउड स्टार टाइगर श्राफले आफ्ना नेपाली दर्शकलाई नयाँवर्ष २०७५ को शुभकामना व्यक्त गर्दै आफु अभिनित फिल्म ‘बागी २’ हेर्न आग्रह गरेका छन्। भिडियो सन्देशमा अभिनेत्री दिशा पटानीले समेत नयाँ वर्षको शुभकामना व्यक्त गरेकी छन्। शुक्रबार रिलिज हुन लागेको फिल्म बागी २ हेर्न यी दुई स्टारले आग्रह गरेका हुन्। सयभन्दा बढी नेपाली पर्दाबाट फिल्म रिलिज हुने बताउँदै उनीहरुले हलको विस्तार र विकासको समेत प्रशंसा गरेका हुन्। एक्सन ड्रामा बागीको यो दोसो सिरिज यतिबेला नेपाली हलमा प्रतीक्षित छ। फिल्मलाई नेपालमा गोपिकृष्ण मूभिजले रिलिज गर्न लागेको हो।
