हाँस्न नपाएकी हर्षिका


harshika-shrestha
नाम त उनको हषिर्का श्रेष्ठ हो तर हिरोइन बनेको चार वर्ष बितिसक्दा पनि उनले दिल खोलेर हाँस्न पाएकी छैनन्। फिल्म पाउनै गाह्रो। बल्लतल्ल पाएको फिल्म पनि सोचेजस्तो हिट हुँदैन। हल्काफुल्का हिट भयो भने पनि क्रेडिट अन्य कलाकारले नै पाउँछन्। यस्तै पीडा भोगिरहेकी छिन् हषिर्काले। अनि, कहाँबाट उनको मुहारमा हाँसो छाओस् ? न पहिलो फिल्म अँगालो यो मायाकोबाट प्रशंसा पाइन्, न पछिल्लो फिल्म कर्कशले नै उनलाई स्थापित गरायो। बरू दयाहाङ राई, सुरजसिंह ठकुरी, सत्यराज आचार्यजस्ता चर्चित कलाकारको भीडमा उनी छायाँमा परनि्। यहीबीचमा हालै उनी नयाँ फिल्म मुखौटामा अनुबन्ध भएकी छन् तर यो फिल्मले पनि कर्कशकै नियति दोह्रोर्‍याउने पक्का छ किनभने यसमा राजेश हमाल, सौगात मल्ल, दयाहाङ राई, अर्पण थापा, निशा अधिकारीजस्ता नामी कलाकार छन्। सायद यसकै पीडाले होला सुटिङ् सुरु भइसक्दा पनि उनको मुहारमा कुनै चमक देखिएको छैन। भाग्यमै नभएपछि के गर्नू ? – नेपाल साप्ताहिक

SUBSCRIBE 👉