भ्यालेन्टाइन्स डेमा आनन्द कार्कीको रोमान्टिक गीतहरु गुन्जने

भ्यालेन्टाइन्स डेको अवसर पारेर गायक आनन्द कार्कीले आफ्ना लोकप्रिय रोमान्टिक गीत गाएर दर्शकहरुलाई मनोरञ्जन दिने भएका छन्। दर्जनौं रोमान्टिक गीतका गायकले १४ फेब्रुअरी (शनिवार) कै दिन आयोजना हुने एकल गायन कार्यक्रममा आफ्ना कालजयी गीत प्रस्तुत गर्न लागेका हुन्। रोटरी क्लब अफ जावलाखेलले होटल याक एण्ड यतिमा आयोजना गर्ने ‘एन इभिनिङ विद आनन्द कार्की ‘द म्युजिकल इभेन्ट’ मा गायक कार्कीले करिव डेढ दर्जन गीत संगीत प्रस्तुत गर्नेछन्।गायक कार्कीको एकल गायन कार्यक्रममा गायिका सविना कार्कीले पनि साथ दिने भएकी छिन्। कार्यक्रममा सविनाले केही एकल सहित आनन्द कार्कीलाई युगल गीतमा साथ दिनेछिन्। एकल गायन कार्यक्रममा सात जना बाद्यवादकहरुले लाइभ म्युजिकमार्फत गायक / गायिकाहरुलाई साथ दिनेछन्। सांगीतिक समुह भ्वाइस द ब्याकअप ब्याण्डका संगीतकर्मीहरु वाद्यवादकको रुपमा सहभागि हुँदैछन्। भ्यालेन्टाइन्स डेको साँझलाई सांगीतिक रुपले रोमान्टिक बनाउने यो कार्यक्रम शनिवार साँझ ६ बजे शुरु हुनेछ।