फेशन डिजाइनर प्रवल गुरुङले दोलखामा एक हजार घर बनाई दिने

फेशन डिजाइनर प्रवल गुरुङले भुकम्पका कारण घर गुमेका पीडितहरुको लागी घर बनाई दिने घोषणा गरेका छन्। आफ्नो अफिसियल ट्वीटर पेजमा ट्वीट गर्दै उनले दोलखामा १ हजार भन्दा बढी घरहरु बनाउन लागेको बताएका हुन्। उनले नेपालमा विनाशकारी भुकम्प आए लगतै सहयोगको अपिल गरेका थिए। हलिउडका चर्चित स्टारहरुले पनि सहयोग गर्ने इच्छा जाहेर गरेका थिए।
उनले संचालन गर्दै आएको परोपकारी संस्था ‘शिक्षा फाउन्डेशन नेपाल’ मार्फत १ हजार घर बनाउन लागेको र यो अभियानमा थप सहयोगको अपेक्षा समेत गरेका छन्। उनले अनलाइन मार्फत गरेका सहयोग अपिल (Nepal Eathquake Relief Fund) मा अहिले सम्म करिब ५८७,०१० अमेरिकी डलर संकलन भैसकेको छ।