प्रमिशाको मायामा पल खुत्रुक्कै

काठमाडौं । गायक अशोक मुकारुङको लोकपप शैलीको ‘माछीमा मार्ने’ बोलको नयाँ म्यूजिक भिडियो सार्वजनिक भएको छ । भिडियोमा मोडल पल शाह र प्रमिशा बज्राचार्यले फिचरिङ गरेका छन् ।
खेमराज गुरुङको शब्द र संगीत रहेको गीतको भिडियोलाई विज्ञान राईले निर्देशन गरेका हुन् । सम्पादन पनि उनकै रहेको छ । ज्ञानेन्द्र शर्माले खिचेको भिडियोमा पल र प्रमिशाको गजबको ‘लभ क्यामेस्ट्री’ देख्न सकिन्छ । एल्बम ‘अभ्यास’ मा समावेश यो गीतको म्यूजिक एरेन्ज धिरज श्रेष्ठले गरेका हुन् ।