सावित्रीको ‘उडी आयो रानी चरी’को छायांकन

काठमाडौं । महिलाहरुको महान चाड मानिने तीज पर्व नजिकिँदै गर्दा यसको रमझमले भने धेरैलाई छोईसकेको छ । यसमा पनि विशेषतः तीज विशेष गीत संगीतमा लाग्ने सांगीतिक स्रष्टा तथा तीज गीतका कम्मर मर्काउने मोडल तथा कलाकरहरुलाई भने अहिले भ्याई नभ्याई नै छ । यो सिजनमा लोक तथा संगीतका हरेक विधासँग जोडिएका कलाकारहरुलाई फुर्सदमा भेट्न मुश्किल पनि पर्नसक्छ ।
यसैक्रममा गायिका सावित्री जोशीले पनि ‘उडी आयो रानी चरी’बोलको गीतको हालै छायांकन गरेकी छन् । निर्देशक अमर वलीले निर्देशन गरेको भिडियोको निर्माता सञ्चारकर्मी तथा उद्यमी लिला डाँगी हुन् ।
भिडियोमा नायिका तथा मोडल सुष्मा अधिकारी र प्रिया शर्मासँग निर्देशक ओली स्वयंमले कम्मर मर्काएका छन् । शिव हमालको समेत स्वर रहेको गीतमा हमालकै शब्द रहेको छ । भिडियो केही दिनमै सार्वजनिक गरिने निर्देशक वलीले बताए ।