अमेरिकामा नवीन र निशाको जुहारी

काठमाडौं । नेपाली अमेरिकन कलाकार संघले आयोजना गरेको एक कार्यक्रममा गायक नविन ढुंगेल र गायिका निशा सुनारबीच जुहारी चलेको छ । अमेरिकाको न्यूयोर्कस्थित ज्याक्सन हाइटमा भएको कार्यक्रममा ढुंगेलले आफ्नो चर्चित गीत ‘मन पर्ने एउटा साली छ’ गाउँदा गायिका निशाले त्यसको प्रतिउत्तर दिएकी थिईन् । उमेरले ६० कटेका गायक ढुंगेल र गायिका सुनारको दोहोरी सुनेपछि ढुंगेलका छोरा गायक अभय ढुंगेल लाजले रातोपिरो भएका थिए ।
कार्यक्रममा सांस्कृतिक कार्यक्रमका लागि अमेरिका पुगेकी गायिका सुनिता दुलाल, गायक हिमाल सागर, वरिष्ठ गायक नवीन ढुंगेल, गायिका मन्जु थापालाई संघका तर्फबाट कार्यवाहक अध्यक्ष गायक कन्हैया सिंह, संरक्षक याम बराल, चलचित्र अभिनेत्री सुवर्ण अधिकारीले खादा ओढाएर सम्मान गरेका थिए । कार्यक्रममा गायक नरेन्द्र प्यासी, गायिका अन्जना गुरुङ, गायक जगदीश समाल, नायिका रन्जना शर्मा, मोडल डेजी शेर्पालगायतका कलाकारहरुको सहभागिता रहेको थियो ।