अमेरिका तर्फ गायक रामकृष्ण ढकाल र गायिका आस्था राउत

अमेरिकामा आयोजना हुन लागेको सांगीतिक कार्यक्रमका लागी गायक रामकृष्ण ढकाल तथा गायिका आस्था राउत मंगलवार अमेरिका उडेका छन्। नेप्लीज एसोसिएसन साउथइस्ट इन अमेरिकाले १९ भदौ २०७२ (२०१५ सेप्टेम्बर ५) शनिवार आयोजना गर्न लागेको कार्यक्रममा रामकृष्ण र आस्थाले गीत / संगीत प्रस्तुत गर्ने छन्। उक्त कार्यक्रमको सहभागितापछि यी गायक/गायिकाले अमेरिकाका अन्य केही शहरमा समेत सांगीतिक कार्यक्रम प्रस्तुत गर्ने बताईएको छ। अमेरिकातर्फ उड्नु अघि गायक ढकालले आफ्ना लोकप्रिय गीतहरुको MP-3 संग्रह “रामकृष्ण ढकाल MP-3” मंगलबार देखि नै बजारमा उपलब्ध भएको जानकारी दिएका छन्।