नम्रता श्रेष्ठ, कोसिस क्षेत्री, माला लिम्बु, जेबिका कार्की लगायत कलाकारको अभिनय रहेको चलचित्र पर्वको ट्रेलर बाहिरिएको छ। करिब २ मिनेट २० सेकेन्ड लामो ट्रेलरमा नम्रता श्रेष्ठलाई रोमान्टिक पर्सनालिटी र डरलाग्दो पागलपन अवतारमा देखाईएको छ भने गायनबाट अभिनय तर्फ मोडिएका कोसिस क्षेत्रीलाई लेखकका रुपमा चित्रण गरिएको छ।
केहि समय अघि रिलिज गरिएको चलचित्रको गीत ‘काले दाई मा हट अवतारमा देखिएकी माला लिम्बु र अर्की अभिनेत्री जेबिका कार्कीको ट्रेलरमा देखिएको अभिनयले फिल्मलाई थप रहस्यमय बनाएको छ।
आइएम सरी, नोभेम्बर रेन र क्लासिक जस्ता सफल चलचित्र निर्देशन गरिसकेका निर्देशक दिनेश राउतको यो चलचित्र ट्रेलर हेर्दा एस्तो लाग्छ थ्रिलर प्रेम कथामा यो चलचित्र निर्माण भएको छ।
सुवास इन्टरटेनमेन्ट र टीभी फिल्मीको संयुक्त ब्यानरमा निर्माण भएको चलचित्रमा निकिता पौडेल र सुवास गिरीले मिलेर लगानी गरेका छन्। यो चलचित्र जेठ १२ गतेबाट अल नेपाल रिलिज हुँदै छ।
पर्वको ट्रेलर यहाँ हेर्न सकिन्छ।
https://tv.glamournepal.com/parva-trailer-namrata-shrestha-koshish-chhetri-mala-limbu
