हिट फिल्मका निर्देशकलाई नै फिल्ममा प्रतिबन्ध को कुरा !

बलिउडका फिल्म ‘रागिनी एमएमएस–२’, ‘मैं तेरा हीरो’, ‘२ स्टेट्स’, ‘हीरोपंती’, ‘होलिडे…’ र ‘हमशकल्स’ फिल्महरु दर्शकले मनपराए तर फिल्म विश्लेषकले भने निर्देशकलाई फिल्ममा प्रतिबन्धको कुरा उठाएका छन्।

साजिद खान निर्देशित फिल्म ‘हमशकल्स’ ले बलिउडमा राम्रो व्यापार गरे पनि फिल्म विश्लेषकले साजिदलाई फिल्म निर्देशनमा नै प्रतिबन्ध लगाउनुपर्ने आवाज उठाईरहेका छन्। गत शुक्रबारबाट रिलिज फिल्मले पहिलो दिनमै ११ करोड पैसा उठाएको थियो भने यसले शनिवार ११ दशमलब ५ करोड र आइतबार १४ दशमलब ५ करोडको व्यापार गरेको थियो। तीन दिनमा फिल्मले कुल ३६ दशमलब ५ करोडको व्यापार गरेको छ। यस भन्दा अघि सैफ अली खान अभिनित कुनै पनि फिल्मले तीन दिनमा यति राम्रो व्यापार गरेको थिएन।