मिसेस ग्रान्ड ईण्टरनेशनल २०२६, म्यानमारमा प्रतीक्षा थापाले जितिन् दुई उपाधि

Mrs. Vogue Nepal Grand 2026 विजेता Pratichhya Thapa ले अन्तर्राष्ट्रिय सौन्दर्य प्रतियोगितामा दोहोरो सफलता हासिल गरेकी छन्। म्यानमारमा सम्पन्न Mrs. Grand International 2026 मा नेपालको प्रतिनिधित्व गरेकी Pratichhya ले ‘Mrs. Grand Global Woman 2026’ र ‘Mrs. Glamour’ गरी दुई उपाधि जितेकी हुन्।

प्रतियोगिता अगस्ट ६ देखि ११ सम्म म्यानमारमा आयोजना भएको थियो। अगस्ट ११ को साँझ सम्पन्न ग्रान्ड फिनालेमा विभिन्न देशका प्रतिनिधिसँग प्रतिस्पर्धा गर्दै Pratichhya ले नेपालका लागि दुई उपाधि हात पारेकी हुन्।

उनको अन्तर्राष्ट्रिय यात्रामा Oshima Banu National Director का रूपमा सहभागी थिइन्। प्रतियोगितामा Banu लाई ‘Best National Director Award’ बाट सम्मान गरिएको छ। उनको योगदान, समन्वय र अन्तर्राष्ट्रिय मञ्चमा नेपालको प्रतिनिधित्वका लागि उक्त सम्मान प्रदान गरिएको संस्थाले जनाएको छ।

Mrs. Grand International 2026 का प्रमुख विजेता

प्रतियोगिताका प्रमुख उपाधिहरु यसप्रकार छन्:
Mrs. Grand International Ambassador 2026, Malaysia
Mrs. Model of the Grand 2026, South Africa
Mrs. Grand International 2026, Philippines
1st Runner-Up, Mexico
2nd Runner-Up, India
3rd Runner-Up, Africa
Mrs. Grand Global Woman 2026, Nepal
Mrs. Glamour, Nepal

यसपटकको प्रतियोगितामा Pratichhya का दुई उपाधिसँगै Oshima Banu ले Best National Director सम्मान प्राप्त गरेपछि नेपालको सहभागिता थप उल्लेखनीय बनेको छ।

Mrs. Vogue Nepal बाट अन्तर्राष्ट्रिय मञ्चसम्म

Pratichhya ले यसअघि House of Fashion Nepal द्वारा आयोजित Mrs. Vogue Nepal Season 3 मा Mrs. Vogue Nepal Grand 2026 को उपाधि जितेकी थिइन्। सोही उपलब्धिसँगै उनले Mrs. Grand International 2026 मा नेपालको प्रतिनिधित्व गर्ने अवसर पाएकी हुन्।

अन्तर्राष्ट्रिय प्रतियोगितालाई लक्षित गर्दै उनले runway, personality development, public speaking, fitness, styling र photo shoot लगायत विभिन्न विधामा तयारी गरेकी थिइन्।

ग्ल्यामर नेपालले गत मे महिनामा नै उनको Mrs. Grand International यात्राबारे समाचार प्रकाशित गर्दै अन्तर्राष्ट्रिय मञ्चमा नेपालको संस्कृति, आत्मविश्वास र नेपाली महिलाको प्रतिनिधित्व गर्ने उनको तयारीबारे उल्लेख गरेको थियो।

House of Fashion Nepal ले Mrs. Vogue Nepal मार्फत विवाहित महिलालाई आफ्नो प्रतिभा, आत्मविश्वास र व्यक्तित्व प्रस्तुत गर्ने मञ्च उपलब्ध गराउँदै आएको जनाएको छ। संस्थाले Pratichhya को अन्तर्राष्ट्रिय सफलतालाई नेपाली महिलाको विश्वमञ्चमा प्रतिनिधित्वसँग जोडिएको महत्वपूर्ण उपलब्धिका रूपमा लिएको छ।

Pratichhya को दोहोरो उपाधि र National Director Oshima Banu को सम्मानले Mrs. Grand International 2026 मा नेपालको सहभागितालाई यस वर्ष विशेष बनाएको छ।