मोडल तथा नायक पल शाह र नायिका आँचल शर्मालाई लियर म्युजिक भिडियो निर्देशक नितिन चन्दले चलचित्र ‘जोनी जेन्टलम्यान’ निर्माण गर्ने घोषणा गरेका छन्। चलचित्र बजारमा पल र आँचलको प्रेम चर्चा चलिरहँदा यी दुई एकसाथ चलचित्रमा दोश्रो पटक देखिन लागेका हुन्।
पत्रकार सम्मेलनको आयोजना गर्दै निर्देशक चन्दले फरक कथावस्तुमा नौलो प्रस्तुती सहित चलचित्र निर्माण हुने बताएका छन्। कार्यक्रममा बोल्दै निर्देशक चन्दले यो चलचित्रमा आफूले जोनी नाम गरेका पात्र कसरी जेन्टलम्यान बन्छ भन्ने कुरा देखाउन खोजेको बताए। योर स्टाइलको प्रस्तुतीमा बन्ने चलचित्रमा मोडल पल शाह चकलेटी अवतारबाट एक्सन अवतारमा देखिने बताईएको छ।
चलचित्रमा एन्ड्रिउ पौडेलले लगानी गरेका छन् भने चलचित्रका कार्यकारी निर्माता अजय मल्ल हुन्। हर्कुलेस बस्नेत, व्रिजेश श्रेष्ठ र स्वचित शाक्यको संगीत रहने चलचित्रमा प्रशान्त तामाङको नृत्य निर्देशन रहनेछ।
भिडियो हेर्नुहोस्
चलचित्रको पहिले पोस्टर
