चलचित्रको प्रचार प्रसारको लागि नेपाल आएकी नेपाली चलचित्र ‘वीर विक्रम’की नायिका दियालाई उपराष्ट्रपति नन्दबहादुर पुनले बधाई तथा शुभकामना दिएका छन्। विहीबार दिउँसो उपराष्ट्रपतिको कार्यालय, कान्तिपथमा आयोजित भेटघाट कार्यक्रममा नायिका दिया र निर्देशक मिलन चाम्सलाई उपराष्ट्रपति पुनले बधाई तथा शुभकामना दिएका हुन्।
उपराष्ट्रपति पुनले चलचित्र ‘वीरविक्रम’को प्रिमियर शोमा आफू आउने प्रतिवद्धता समेत व्यक्त गरे। उनले भने, ‘ नेपाली चलचित्र वीरविक्रम राम्रो भएकोमा विश्वस्त छु। यो फिल्मको प्रिमियर शो मा मेरो उपस्थिति हुने प्रतिवद्धता व्यक्त गर्न चाहन्छु।’ उनले दिया र दयाहाङ्ग को अभिनय हेर्न आफु ईच्छुक भएको समेत बताए।
भेट्टघाट कार्यक्रममा नायिका दिया, निर्देशक मिलन चाम्स संगै विदेश वितरण प्रमुख एवं ग्रिष्मा इन्टरटेनमेन्टका प्रमुख गृहेन्द्र घिमिरे लगायतका सदश्यहरु उपस्थित थिए।
