सुमन श्रेष्ठको साथी/साथीकालागि बनाइएको म्युजिक भिडियो

पेशाले सिभिल इन्जिनियर रहेका सुमन श्रेष्ठ (संगम) पछिल्लो समय गायनमा सक्रिय छन्। उनका साथीहरु कोहि बैंकर्स त कोहि पत्रकार, कोहि व्यवसायी त कोहि प्राध्यापक लगाएत छन। उनले आफ्ना साथीहरुमा समर्पित गर्दै ‘हामी साथी साथी’ बोलको नयाँ गीतको म्युजिक भिडियो सार्वजनिक गरेका छन्।

गीतको भिडियोको धरानमा औपचारिक कार्यक्रमका विच विमोचन गरिएको थियो। नेपाल संगीत तथा नाट्य प्रज्ञा प्रतिष्ठानका सदस्य सचिव तथा वरिष्ठ गायक, संगीतकार गणेश रसिक र भिडियोका कलाकारले संयुक्त रुपमा भिडियो सार्वजनिक गरेका थिए।

गोपाल दाहालको शब्द र वसन्त सापकोटाको संगीत रहेको गीतको भिडियोको गायक सुमनले नै निर्देशन गरेका हुन। ज्ञानेन्द्र शर्माले खिचेको गीतको भिडियो सम्पादन टेकेन्द्र शाहले गरेका हुन्।