सहिमाको संसारमा रमाउँदै सुप्रिया र सन्दीप

ग्ल्यामर नेपाल, काठमाडौं। नेपाली सुगम संगीतका भर्सटाइल गायक राजेशपायल राई र संगीत क्षेत्रमा संघर्षरत गायिका साहिमा श्रेष्ठको स्वरमा सजिएको ‘यो संसार बनेको लाग्छ तिम्रो लागी…’ बोलको गीतको म्युजिक भिडियोको छायाँकन भएको छ।

युवा म्युजिक भिडियो निर्देशक समन अधिकारीले निर्देशन गरेको भिडियोमा सुप्रिया कटवाल र सन्दीप नेउपानेको अभिनय रहेको छ। यो गीत गायिका श्रेष्ठको दोस्रो एल्बम ‘मस्ती’ मा समेटिएको छ भने एल्बमको शीर्ष गीतको म्युजिक भिडियो यसअघि नै सार्वजनिक भईसकेको छ। जसमा नायक जीवन लुँइटेलले अभिनय गरेका थिए।

किरण केसी‘क्रोधी’को शब्द र चण्डीप्रसाद काफ्लेको संगीतमा गीत तयार भएको हो। चाँडै बजारमा आउने तयारी भईरहेको भिडियोका छाँयाकार नितीन चन्द हुन्।