गाउँको कथामा बन्न लागेको फिल्म ‘पन्चेबाजा’को शुभ साईत गरिएको छ। यो फिल्ममा सौगात मल्ल, कर्मा, सृजना सुब्बा र जस्मिन श्रेष्ठको मुख्य भूमिकामा रहनेछन्। कमलादीस्थित गणेश मन्दीरमा पुजाआजा गरि फिल्मको शुभ साईत गरिएको हो।
त्रिकोणात्मक प्रेम कथा बोल्ने यो फिल्मको छायाँकन पोखरा बाट शुरु हुँदै छ। घनश्याम लामिछानेले निर्देशन गर्ने यो फिल्ममा सौगात मल्ल भिलेनको रुपमा देखिदैछन्। यस अघि लामिछाने निर्देशित फिल्म ‘धौली’लाई दर्शकहरुले मन पराएका थिए।
न्यु भेनस फिल्मसको व्यानरमा निर्माण हुने फिल्ममा राजेश शाहीले लगानी गरेका छन् भने प्रदीप भारद्वाजको कथा/पटकथा/संवाद, कालिप्रसाद बाँस्कोटा र विकास चौधरीको संगीत रहनेछ।
