ऋषिराजको ‘ड्रिम गर्ल’मा आश्मा र आकाश

निर्देशक ऋषिराज आचार्यले ‘ड्रिम गर्ल’ नामक फिल्म निर्माण गर्ने भएका छन्। फिल्मको शुभमुर्हत गरिएको छ। निर्देशक ऋषि कै लेखन रहेको ‘ड्रिम गर्ल’की ड्रिम गर्लको भूमिकामा आश्मा गिरी देखिदैछिन। बिभिन्न चरणमा गरिएका अडिसनबाट आश्मा ड्रिमगर्लका लागि छानीएको निर्देशक ऋषिले बताएका छन्।

फिल्ममा आश्माको जोडीका रुपमा आकाश श्रेष्ठको अभिनय रहने छ। आकाशले यसअघि ‘म त तिम्रै हुं’, ‘तिमीसंग’ र ‘ब्ल्याक’ फिल्ममा अभिनय गरिसकेका छन् भने आश्माको यो नै पहिलो फिल्म हुनेछ।

दक्षिण भारतको रिल एण्ड रियल सिनेमा नामक कम्पनी र निर्देशक ऋषिराजको आरबि मुभीजको ब्यानरमा निर्माण हुने फिल्मको सुटिङ देखि सुरु भईसको छ। फिल्मका मुख्य निर्माता अर्जुन शर्मा र निर्देशक आचार्य स्वयम् हुन्। सहनिर्मातामा रामेश्वर धिताल र रिल एण्ड रियल सिनेमाका तर्फबाट अन्टो रोचा रोवन रहेका छन्।

ड्रिमगर्लमा आकाश र आश्माका साथमा सरोज खनाल, अर्जुन श्रेष्ठ,विल्सन बिक्रम राई,रुपा सुवेदी, पूजा पराजुली, लक्ष्मी गिरी, सुरवीर पण्डित प्रमुख भूमिकामा छन्।

शुभमुर्हत कार्यक्रममा संबिधानबिद् डा. भीमार्जुन आचार्य, फिल्म निर्देशक शम्भु प्रधान, स्क्रिप्ट राईटर नूतन प्रधान, अभिनेता, निर्देशक अशोक शर्मा, संचारकर्मी, फिल्म निर्देशक लक्ष्मण सुवेदी,अभिनेता अर्जुन श्रेष्ठलगायतले ड्रिमगर्ललाई सफलताको शुभकामना ब्यक्त गरे।

निर्देशक ऋषिले निकै मिहीनेतका साथ ड्रिम गर्ल निर्माण गर्न लागेको जानकारी दिए भने निर्माताको तर्फबाट बोल्दै अर्जुन शर्माले गुणस्तरिय फिल्म निर्माणको हेतुले आफू आफूहरु लागीपरेको बताए।

काठमाडौँ, मुस्ताङ, रारा तालका साथै कतारका बिभिन्न स्थानमा खिचीने भनिएको फिल्ममा अर्जुन पोखरेलले संगीत छ। कोरियोग्राफी गम्भीर बिष्टले गर्दैछन्। फिल्ममा सम्राट बस्नेतको द्धन्द्ध निर्देशन रहने छ।
तस्विर सौजन्य : आर्यन बिमली