वैदेशिक रोजगारीका क्रममा खाडी मुलुकमा रहेका नेपालीहरुको कथा माथी चलचित्र ‘रियाल रिङ्गेट’ निर्माण भईरहेको छ। चलचित्रलाई दीपक अधिकारीले निर्देशन गरिरहेका छन्। यसै चलचित्रमार्फत दीपकले चलचित्र निर्देशनको यात्रा थालनी गर्दैछन्। चलचित्रमा नायिका नीता ढुंगानाले नायक प्रमोद भारद्धाज सँग जोडी बाँधेकी छिन्। यो चलचित्रमा नीता र प्रमोदको साथमा छुल्ठिम गुरुङ, रामचन्द्र अधिकारी लगायतका कलाकारले अभिनय हेर्न सकिनेछ।
यो चलचित्रको कथा नायक प्रमोदका दाजु प्रदिप भारद्धाजले लेखेका हुन् भने जीवनकृष्ण बेघाको लगानीमा चलचित्र निर्माण भईरहेको छ। चलचित्रको नाम ‘रियाल रिंगेट’ भएपनि यो चलचित्रले संसारभर श्रमकालागि पुगेका नेपालीहरुको कथा बोल्नेछ। ७० लाखको बजेटमा निर्माण भईरहेको चलचित्र दमक, विर्तामोड, पथरी, इलाम लगायतका स्थानमा छायांकन गरिनेछ।
