समीरको गीतमा ‘भीमफेदी गाइज’को कपाल ठाडो

गायक समीर आचार्यको स्वरमा रहेको थारु गीत ‘कपाल ठाडो’को भिडियो सार्वजनिक भएको छ। अष्ट्रेलियाबाटै नेपाली गीत-संगीतमा सशक्त रुपमा लागी परेका समीरले योपटक ख्यातीप्राप्त डान्स ग्रुप भीमफेदी गाइजसँग सहकार्य गरेर भिडियो तयार गरेका छन्। यो गीतमा आशिष अविरलको संगीत छ भने एक नारायण भण्डारीको शब्द रचना छ। नवलपरासीका थारु गाउँहरुमा योगीतको भिडियो खिचिएको हो। अष्ट्रेलियाबाटै ‘दुनियाँ बेग्लै छ तम्लार्इ चट्ट सलाम छ’ बोलको देउडा गीत गाएका समीरले यसपटक थारु गीतसहित आफूलाई दर्शक/श्रोताको माझमा उभ्याएका छन्। निर्मल लामा निर्देशित भिडियोमा मोडल सिर्जना कार्की र भीमफेदी गाइजका कलाकारहरु देखिएका छन्।