कोहलपुर एक्सप्रेसमा मोडियो केकी र विनोदको मन

‘सीओडब्लु काउ’को सफलता पछि फिल्म ‘कोहलपुर एक्सप्रेस’ टिमले नयाँ रोमान्टिक फ्लेबरको गीत ‘अब मनसँग मन’को भिडियो सार्वजनिक गरेको छ। गीतको भिडियोमा नायिका केकी अधिकारी र नायक विनोद न्यौपानेको रोमान्सलाई हेर्न सकिन्छ। सुगम पोखरेल र अन्जु पन्तको स्वर रहेको गीतमा संगीतकार अर्जुन पोखरेलको शब्द र संगीत सुन्न सकिन्छ। गीतमा गम्भीर बिष्टको कोरियोग्राफी छ। नायिका केकी अधिकारीको डेब्यु निर्माण रहेको फिल्ममा चर्चित म्युजिक भिडियो निर्देशक विशाल भण्डारीको डेब्यु निर्देशन हो। फिल्ममा ऋचा शर्मा, प्रियंका कार्की, बुद्धि तामाङ, रविन्द्र झा, कुशाग्र भट्टराईको अभिनय छ। विशालकै कथा रहेको फिल्ममा भद्रबहादुर शाही, देवी लाल न्यौपाने पण्डित र शिवप्रसाद चौलागाईको लगानी छ। फिल्मका छायाँकार अर्जुन तिवारी हुन्। फिल्म २०७५ को वैशाख १४ गते रिलिज हुँदैछ।