छायांकनमा व्यस्त सलामी

ग्ल्यामर नेपाल, काठमाडौं । ब्ल्याक चिल्ली इन्टरटेन्टमेन्टको चौथो फिल्म ‘सलामी’ को हाल मोफसलका विभिन्न स्थानमा छायांकन भईरहेको छ । नेपालका कान्छा निर्देशक भनि दाबी गरिएका एन आर घिमिरेले निर्देशन गरिरहेको फिल्मको हाल बारा र पर्सामा छायांकन भईरहेको छ ।

फिल्ममा महिमा सिलवाल र इरोंन मच्छेको प्रमुख भूमिकामा अभिनय रहेको छ । श्लोक र प्रमिशाले सयुंक्त रुपमा निर्माण गरेको फिल्ममा तेजा, रेखा भट्ट, विनोद मैनालीले पनि अभिनय गरेका छन् । फिल्मले अशुली र सलामी उठाउने कथा समेटेको निर्देशक घिमिरेले बताए । फिल्ममा टंक बुढाथोकीको संगीत, राकेश रनापालको कथा, बब्बु थापाको कोरियोग्राफी, प्रदिप खड्काको द्वन्द्व र पवन गौतमको छायांकन रहेको छ । फिल्म आगामी मंसीर १९ गते रिलिज हुनेछ ।