ग्ल्यामर नेपाल, काठमाडौं । १२ वर्षपछि फिल्म निर्देशनमा पुनरागमन गरेका निर्देशक शम्भु प्रधानको पछिल्लो फिल्म ‘रंग बैजनी’को शीर्ष गीत सार्वजनिक भएको छ । गीतमा अभिनेता दिक्पाल कार्की र अभिनेत्रीद्वय गरिमा पन्त, सुमिना घिमिरेले फिचरिङ गरेका छन् ।
दीप प्रधानको संगीत रहेको गीतमा उनको र शितल मोक्तानको स्वर रहेको छ भने नूतन प्रधानले शब्द तथा कोरियोग्राफी गरेकी छन् । नूतन, इश्वरी र सिया निर्माता रहेको फिल्म आगामी मंसीर १९ गतेबाट प्रदर्शनमा आउँदैछ । फिल्ममा शम्भुका छोरा सशांक प्रधानको सिनेमाटोग्राफी रहेको छ ।