नेपालमा अक्षयको यस्तो व्यस्तता(भिडियो)

ग्ल्यामर नेपाल, काठमाडौं ।
बलिउडका खेलाडी कुमारका रुपमा परिचित अक्षय कुमारले नेपालमा अभिनय गरेको फिल्म ‘बेबी’को ट्रेलर सार्वजनिक भएको छ । गुल्सन कुमारको प्रस्तुतिमा निरज पाण्डेले निर्देशन गरेको फिल्मको ट्रेलरमा अक्षयलाई राजधानीको एक बजारमा हिँडिरहेको देखाइएको छ भने ट्रेलरमा होटल हायात् र भक्तपुर मन्दिरको दृश्य देख्न सकिन्छ ।

क्राउचिङ टाइगर र फ्राइडे फिल्म वर्क प्रोडक्सनको व्यानरमा निर्माण भएको फिल्ममा अक्षयसँगै तपसी पन्नु, डेनी डेञ्जोङ्पा, अनुपम खेरलगायतका कलाकारले अभिनय गरेका छन् । फिल्ममा अक्षयलाई सिपाहीको भूमिकामा प्रस्तुत गरिएको छ । फिल्मका निर्माता भुषण कुमार र क्रिसन कुमार हुन् । यो फिल्म २३ जनवरी २०१५ मा रिलिज हुँदैछ ।