ग्ल्यामर नेपाल, काठमाडौं ।
महिला र पुरुष एकै रथका दुई पाङ्ग्रा हुन भन्ने सन्देश बोकेको फिल्म ‘रथ’ले आफ्नो अफिसियल फष्टलुक र ट्रेलर सार्वजनिक गरेको छ । माघ २३ गतेबाट अल नेपाल रिलिज हुने फिल्मका निर्देशक कैलाश अधिकारी हुन् ।
राजधानीमा आइतबार आयोजित कार्यक्रममा निर्देशक अधिकारीले विगत १२ वर्षदेखिको आफ्नो फिल्म बनाउने सोचलाई ‘रथ’मार्फत पुरा गरेको बताए । फिल्मका अभिनेता विशाल पोखरेलले आफुले राम्रो फिल्मको कथा छानेर अभिनय गर्ने गरेको दाबी गर्दै ‘रथ’को कथा दर्शकले मनपराउने बताए ।
फिजल इन्टरटेनमेन्ट प्रालिको व्यानरमा निर्मित फिल्ममा श्याम लवट, राजु सिपाही, दिपेन्द्र धिताल र अजित राईको लगानी रहेको छ । गोपाल श्रेष्ठ कार्यकारी निर्माता रहेको फिल्ममा राजु अधिकारी, विनय भट्ट र शर्मिला राई लगायतले अभिनय गरेका छन् । सुरेश अधिकारीको लेखन रहेको फिल्ममा सानु सुब्बाको कोरियोग्राफी, यादव योगीको संगीत, शंकर अधिकारी घायल र योगीकै गीत तथा हरि नारायण चौधरीको छायांकन रहेको छ ।
