होस्टेल रिटर्नसको प्रचार प्रसारमा नयाँ सैली । फोटो फिचर

ग्ल्यामर नेपाल, काठमाडौँ
फिल्म ‘होस्टल रिटर्नस’ले प्रोमोसनका लागि कलेज क्याम्पियन सुरु गरेको छ। शुक्रबार आयोजित एक कार्यक्रममाझ आफ्नो फष्टलुक र ट्रेलर सार्वजनिक गरेको छ। काठमाण्डौको एक कलेजले आयोजना गरेको विशेष कार्यक्रममा फिल्म युनिटले फष्टलुक तथा कलाकारले प्रत्यक्ष अभिनय गर्दै फिल्मको लाइभ ट्रेलर प्रस्तुत गरेका छन्।
कार्यक्रममा फिल्मका निर्माता सुनिल रावलले फिल्मको कथा कलेजमा अध्ययनरत युवायुवतीसाग मिल्ने भएकाले आफुहरुले कलेजका विद्यार्थीमाझ कार्यक्रम गरेको बताए।
फिल्ममा सुशिल श्रेष्ठ, नाजिर हुसेन, सुशिल सिटौला, अभया बराल, शशी श्रेष्ठ, स्वस्तिमा खड्का, सुदाम सिके, प्रदीपकुमार चौधरी, इभा जोशी र रमेश श्रेष्ठको अभिनय रहेको छ। फिल्म दुर्गिश फिल्मस्को व्यानरमा बनेको हो। कार्यक्रममा निर्माता रावलका पिता, व्यानरकी प्रमुख दुर्गिश रावल र कलेजका शिक्षकहरुको उपस्थिति रहेको थियो। आगामी वैशाख २५ गतेबाट फिल्म विश्वव्यापी रिलिज हुने भएको छ।

कार्यक्रमको थप फोटोहरु हेर्न यहाँ क्लिक गर्नुहोस्