महिला साथी सम्बन्धको मामलामा पटक/पटक स्क्यान्डलमा आउने गरेका नायक भुवन के.सी. नयाँ फिल्म “ड्रिम” निर्माण गर्दैछन। फिल्ममा उनको छोरा अनमोल के.सी. नायकका रुपमा देखिदै छन् भने यसै फिल्म मार्फत भुवन पहिलो पटक निर्देशकको रुपमा देखा पर्दैछन। उनै नायक भुवनको आँखामा अहिले ईमेज च्यानल टेलिभिजनकि भिजे सन्ध्या के.सी. परेकी छिन्। उनले सन्ध्यालाई फोन गरेर भेट्न बोलाएका छन्।
भुवनले आफ्नो छोरा अनमोलको जोडीको रुपमा अभिनय गराउन सन्ध्यालाई बोलाएका हुन्। ईमेज च्यानलको प्रसारित एक कार्यक्रममा उनीलाई देखेपछि सन्ध्यालाई भुवन आफैले फोन गरेर फिल्म खेल्नका लागि प्रस्ताव राखेका थिए।
सन्ध्या केसीको आकर्षक तस्विरहरु हेर्न यहाँ क्लिक गर्नुहोस्
सन्ध्याले एस ई-२४ टिभीमा समेत भिजेका रुपमा काम गरि सकेकी छिन। हाल काठमाण्डू कोटेश्वरमा बस्ने २१ बर्षीया सन्ध्या एम.वि.ए जोइन गर्ने तयारीमा छिन्। कुनै समय राष्ट्रिय स्तरको टेबल टेनिस प्रतियोगितमा समेत दोस्रो भएकी खेलाडी पनि हुन। सन्ध्यासँग मौखिक रुपमा कुरा भए पनि कागजी सम्झौता हुन बाँकी रहेको भुवनले बताएका छन्।
फिल्मको गत फाल्गुन १० गतेबाट छायाँकन गर्ने तयारी गरिएको थियो तर विविध कारणले आउँदो चैत्र ५ भन्दा अगाडी फ्लोरमा जान नसकिने भुवनले बताएका छन्।
