काठमाडौं । फिल्म निर्माता तथा कलाकार निर्मल शर्माको डेब्यु निर्देशन रहेको फिल्म ‘चकलेट’को ट्रेलर सार्वजनिक गरिएको छ ।
पूजना स्त्री, आयुष्मान घिमिरे, अनुज शाक्य, नम्रता झा, सुनिता ठाकुर, केशव भट्टराई, सुमन गैरेलगायतको अभिनय रहेको फिल्मको ट्रेलरमा प्रमुख कलाकार आयुष्मानलाई भने देख्न पाइँदैन । उनको भूमिकामालाई ट्रेलरमा सस्पेन्स राखिएको छ । पेशाले दन्त चिकित्सक आयुष्मानको यो डेब्यु फिल्म हो ।
राजधानीमा रहेका सडक बालबालिकाको कथालाई प्रस्तुत गरिएको फिल्ममा खुश्बु गुरुङ, प्रितिमाया गुरुङ र केशव तामाङ निर्माता छन् । शिखर सन्तोष, अर्जुन पोखरेल, रायन कार्कीको संगीत, प्रसन्न पौडेल र बब्बु थापाको नृत्य रहेको फिल्ममा सुदिप बरालको छायांकन छ ।
