नेपाली चलचित्र निर्माण कम्पनि पुनम इन्टरटेनमेण्टले गत बैशाख १२ गते भुकम्पका कारण ज्यान गुमाउनेहरुको आत्माको चिर शान्ति तथा उपचार भईरहेको घाईते बिरामीहरुको शिघ्र स्वास्थ्यलाभको कामना गर्दै गोरखा स्थित् मनकामना मन्दिरमा दीप प्रज्ज्वलन गरेको छ। दीप प्रज्ज्वलन कार्यक्रममा दियोहरुले मनकामना मन्दिरको चित्र अंकित गरिएको थियो। सहयोगि हातहरु नामक संस्थाको सहकार्यमा दीप प्रज्ज्वलन कार्यक्रम सम्पन्न गरिएको हो।
कार्यक्रममा अभिनेत्री गौरी मल्ल, निर्मात्री पुनम क्षेत्री गौतम, इजी पिपुलका कुशल नहर्की लगाएत स्थानिय वासिन्दाहरुको सहभागिता थियो। मनकामना नमूना गा.वि.स., मनकामना क्षेत्र विकास समिती, मनकामना मन्दिर जिर्णोद्वार, गोरखा उद्योग वाणिज्य संघ मनकामना बजार इकाई र योङ्ग जेनेरेसन क्लब अफ मनकामनाको सहयोगमा दिप प्रज्वलन गर्ने कार्य सम्पन्न भएको निर्माता गौतमले हालै जानकारी दिएकी हुन्।
तस्विरहरु हेर्नुहोस्
