होल्याण्डको चर्चित फुलवारीमा नेपाली म्यूजिक भिडियो

सन् १९८१ मा अमिताभ बच्चन,रेखा अभिनित हिन्दि चलचित्र “शिलशिला” को बहुचर्चित गीत “देखा एक ख्वाब तो…” मा देखिएको फुलवारी हेरेर मन नलोभिने कमै हुनुहुन्छ होला। पानी मुनिको देश भनेर चिनिने होल्याण्डको विश्वकै चर्चित फुलवारी Keukenhof मा हालै निर्देशक उज्ज्वल के.सी.ले नयाँ म्यूजिक भिडियोको छायांकन गरेर यूट्यूब मार्फत रिलिज गरेका छन।
सपना मेरो… बोलको यस गीतलाई चर्चित गायक जगदिश समालले किरण गौचनको शव्द र राजिव शाहको संगीतमा गायका हुन भने भिडियोमा नेपाली चलचित्र ‘थ्री लभर्स’ का नायक देबु श्रेष्ठ (देवेन यूवराज) र बेल्जियन मोडल फातिजोनाको साथमा बेनी ढुंगानाले अभिनय गरेकाछन। मेकअप र भेषभुषा: रीता पाण्डे सुवेदी र छायांकन,सम्पादन,निर्देशन उज्ज्वल के.सी.को रहेको यस म्यूजिक भिडियोमा होल्याण्ड र बेल्जियमका सुन्दर दृश्यहरु देख्न सकिने छ।