मंसिर ११ मा ‘कबड्डी कबड्डी’ र ‘जाऊ हिड पोखरा’ ले कबड्डी खेल्ने

आगामी मंसिर ११ गते दुई फिल्म विच भिडन्त हुने भएको छ। एकै दिन दर्शकमाझ प्रतिक्षित बनेको ‘कबड्डी कबड्डी’ र ठुला नामले भरिएको फिल्म ‘जाऊ हिड पोखरा’ बीच ठुलै भिडन्त हुने छाँटकाँट देखिएको छ। ‘जाऊ हिड पोखरा’ निर्देशत शोभित बस्नेतले अचानक मंसिर ११ गते फिल्म रिलिज गर्ने घोषणा गरेपछि यो भिडन्त हुने निश्चित भएको हो।

यी दुई फिल्मबीचको भिडन्त रोचक हुने फिल्मकर्मीहरुको बिश्लेषण छ। शोभितले आफ्नो फिल्मले दर्शक तान्ने दाबी गरेका छन्। दर्शकमाझ प्रतिक्षित फिल्म ‘कबड्डी कबड्डी’ले फिल्म ‘जाऊ हिड पोखरा’ लाई कुनै फरक नपर्ने निर्देशक शोभितले बताए। उनले ‘कबड्डी कबड्डी’ र ‘जाऊ हिड पोखरा’ हेर्न दर्शक नै फरक हुने दाबी गरे।

बुझिएअनुसार मोफसलमा ‘कबड्डी कबड्डी’ भन्दा जाउ हिड पोखराले सर्वाधिक सिनेमाहलहरुमा प्रदर्शन हुनेछ। यसबाट पनि आफु सशक्त रहने शोभितले दाबी गरे। आफ्नो फिल्मले दर्शकको मन जित्ने र त्यसलाई अरु कुनै फिल्म वा अन्य चीजले असर नगर्ने उनको भनाई छ।