पाँच बर्ष पछी नेपाली चलचित्र अभिनयमा फर्किएका अभिनेता बिराज भट्टको चलचित्र ‘पर्शुराम’ को फस्ट लुक बाहिरिएको छ। एक साता अघि निर्माण घोषणा गरि हाल फ्लोरमा रहेको यो चलचित्रको फस्ट लुकमा बिराजलाई घोडा चढिरहेको अबस्थामा देख्न सकिन्छ।
रिलीज लुकमा उनि लामो कपाल, जुँगा पालिएको र कालो पोशाकमा छन्। एक्सन अवतारमा देखिएका बिराज यो चलचित्रमा साउथ तरिकाले प्रस्तुत हुने लक्क्षण देखिएको छ।
हाल कपिलबस्तुको चन्द्रौटामा धमाधम छायाँकन भईरहेको यो चलचित्रमा बिराजसँगै निशा अधिकारी र रविन तामाङ मुख्य भूमिकामा छन। यस्तै चलचित्रमा संगीत महेस खड्काको सुन्न सकिन्छ भने चलचित्रको निर्माण / निर्देशन रोज राणाले गरिरहेका छन।
