युवा कलाकर्मीहरुको समुह हामी सबैका लागि ‘वि फर् अल’ ले काभ्रेपलाञ्चोक जिल्लाको पोखरी चौंरी गाविसमा तीन वटा विद्यालय भवन निर्माण गरेका छन् । बालहित प्रा.वि, महादेव प्रा.वि र सारेपोखरी प्रा.वि को अस्थाई भवन लाई यसै साता कलाकर्मीको टोली पुगेर हस्तान्तरण गर्यो ।
विद्यालय हस्तान्तरण गर्न राजधानीबाट हामी सबैका लागिका अध्यक्ष सुरेश दर्पण पोखरेल, कोषध्यक्ष राजन काफ्ले सदस्यहरुमा नायिका नन्दिता के.सी, नायक यसराज गराच, बलेवा सेवा समाजका अध्यक्ष दीपेन्द्र के.सी, व्यवसायी सुशिल पोखरेल र नायिका सुमिना श्रेष्ठ लगायतको सहभागिता रहेको थियो । बैशाख १२ गते गएको भूकम्पका कारण तीन वटै विद्यालयको भवनहरुमा पूर्ण रुपमा क्षति पुगेको छ ।
