शुक्रबारबाट जन्मभुमी र लक्की ७ प्रर्दशनमा

शुक्रबारबाट मोहन निरौलाको लेखन तथा निर्देशनमा बनेको चलचित्र जन्मभुमी प्रर्दशनमा आएको छ । पटक पटक रिलीज मिती तोकीएर समेत रिलीज हुन् नसकेको यो चलचित्र अन्तत आज अर्थात शुक्रबारबाट रिलीजमा आएको हो ।
निर्देशक निरौलाकै कथा तथा पटकथा रहेको यस चलचित्रको निर्माणमा निर्माता सुरज गिरी, कार्यकारी निर्माता लक्ष्मी शर्मा र सह–निर्माता रहेका छन् । चलचित्रमा विनोद श्रेष्ठ, अनु शाह, निश्मा घिमिरे, ओम प्रतिक, केशव भट्टराई, उत्तम केसी, सगुन श्रेष्ठ, रमेश अधिकारी, बिएस लामिछाने र मोहन निरौला को शसक्त अभिनय हेर्न सकिनेछ ।

चलचित्रमा चेतन कार्की, पुण्य निरौला एवं शान्तिप्रियले गीत लेखेका छन् । युवराज राईको छायाङकन, शंकर विसीको नृत्य निर्देशन, बिपिन मल्ल को सम्पादन एवं अष्ट महर्जनको द्वन्द्व जन्मभुमीमा रहेको छ ।

यस्तै आज शुक्रबारबाट नै लामो समय देखी रिलीज हुन् नसकेको सानो बजेटको चलचित्र लक्की ७ समेत रिलीजमा आएको छ । अनाथ बालबालिकाको कथामा आधारित यो चलचित्रमा जयकिसन बस्नेत र स्वर्गीय नायिका जेशिका खड्काको अभिनय देख्न सकिन्छ।