सिंगापुरमा रुचाइयो ‘प्रेम गीत’ , दर्शकको प्रतिक्रिया यस्तो ( भिडीयो )

सफल चलचित्र प्रेम गीतलाई विदेशमा समेत दर्शकको साथ मिलेको छ । चलचित्रको केहि दिनअघि सिंगापुरमा गरिएको सोमा दर्शकले चलचित्र हेरेर निकै राम्रो लागेको प्रतिक्रिया दिएका थिए ।

दर्शक धेरै भएका कारण दुई सो राखिएको उक्त बिशेष सोमा रनवे फेसन हाउसका अध्यक्ष सुवाससिंह ठकुरी र निर्माता सन्तोस सेनको सहभागीता रहेको थियो । प्रेम कथामा बनेको यो चलचित्र तथा गित संगीतलाइ नेपालमा निकै मन पराइएको थियो ।

सुदर्शन थापाले निर्देशन गरेको यो चलचित्रमा प्रदिप खड्का र पुजा शर्माको मुख्य भूमीका रहेको छ । प्रदिप यसै चलचित्रका कारण देश विदेशमा चर्चित छन् ।

फेसन र मोडलिङ क्षेत्रमा कार्यरत संस्था ‘रनवे फेसन हाउस’ले चलचित्र ‘प्रेमगीत’को ओभरसिज राइट लिएको छ । यसले यो चलचित्रलाई सिंगापुर, मलेसिया, थाइल्याण्ड, अष्ट्रेलिया, पोर्चुगल, न्यूजिल्याण्ड, युएई, कतार, बहराइन, ओमान, कोरिया, हङकङ, बेल्जियम, जर्मनी, फ्रान्स, नर्वे, भारत, यूके लगायतका देशमा लगाउने छ ।‘रनवे फेसन हाउस’ले यो चलचित्रको ओभरसिज राइट्स करिब ४० लाखमा किनेको थियो ।

तस्बिर तथा भिडीयो / कमल श्रेष्ठ