माल्भिका सुब्बालाई पुत्र लाभ भएको छ । सन् २००२ की मिस नेपाल तथा निर्मात्री सुब्बालाई गत बैशाख २ गते पुत्र लाभ भएतापनि चलचित्र रिलीज भैरहेको कारण पुत्र लाभ भएको खबर भने १२ दिनसम्म गोप्य राखेकी थिइन् । उनले ३.८५ केजीको छोरालाई जन्म दिएकी हुन् । 
रियाज श्रेष्ठसँग विवाह गरेकी माल्भिकाले आफुलाई छोरीको चाहना रहेको बताएकी थिइन् । यद्पी पहिलो सन्तानको रुपमा छोरा पाएको खबर सुनाउन पाउँदा आफु निकै हर्षित भएको माल्भिकाले आफ्नो अफिसियल फेसबुक पेजमा तस्बिर सहित स्टाटस पोस्ट गरेकी छन् ।
