हेमराज बिसीको निर्देशन रहने चलचित्र ‘ग्याङस्टार ब्लुज’को घोषणा गरिएको छ । बुधबार राजधानीमा आयोजित एक कार्यक्रममा चलचित्रको घोषणा गरिएको हो ।
कार्यक्रममा चलचित्र छायांकनका लागि अझै केही महिना लाग्ने पनि निर्देशक बिसीले बताए ।चलचित्रमा गौरव पहारी, आशिरमान देशराज श्रेष्ठ, आना शर्मा, प्रशान्त ताम्राकार लगायतको अभिनय रहनेछ ।
चलचित्रमा युवा कसरी ‘ग्याङस्टार’ बन्छन् र त्यसपछि उनीहरूको जीवनमा कस्ता परिवर्तन आउँछन् अनि ग्याङस्टार बनेपछि उनीहरूको जीवनमा पर्ने प्रभाव चलचित्रमा देखाइने छ । चलचित्र सरोज न्यौपाने, मनीष पण्डित र निर्देशक बिसीको लगानीमा बन्न लागेको हो ।
