गत शनिबार चर्चित सेलिब्रेटी तथा मोडलहरु आकर्षक शैलीमा एकसाथ र्याम्पमा देखा परे। ‘स्टाइल उत्सव’ नाम दिइएको शोमा सेलिब्रेटी र मोडलहरु गरी २५ जनाले र्याम्पमा क्याट वल्क गरे। मर्निङ ग्लोरी इन्टरटेनमेन्टले राजधानीको त्रिपुरेश्वरस्थित ब्लु बर्ड मलमा रहेको मुडस लञ्जमा शनिवार सााझ र्याप शो संम्पन भएको हो।
गौरी मल्ल, चाादनी शर्मा, उषा खड्गी, केकी अधिकारी, पुजा शर्मा, लक्ष्मी श्रेष्ठ, पुनम गौतम, क्षितिजा शाक्यको विशेष आकर्षण बने। उनीहरु विभिन्न ६ सिक्वेन्समा र्याम्पमा देखिए। सेलिब्रेटी र मोडलले नेपाली कल्चर, ढाका, साडी, लेहेगा, गाउन, एउटै रंगको लेहेंगालगायतका सिक्वेन्समा प्रस्तुत भएका थिए। सेलिब्रेटी र मोडलहरुले चर्चित फेसन डिजाइनर विश्व गौतम र लास्ट स्टुडियोले तयार पारेको पहिरनमा सजीएका थिए।
सेलिब्रेटीको शो संगै १२ जना बालबालिकाहरुले पनि र्याम्पमा क्याट वल्क गरेका थिय। सेलिब्रेटी र बालिबालिकालाई प्रतिमा श्रेष्ठले कोरियोग्राफी गरेकी थिईन्। कार्यक्रमलाई मनोरञ्जनात्मक बनाउन एक खुट्टाले नृत्य गरेर चर्चित बनेकी नृत्यांगना रोमा न्यौपाने, गायिका प्राश्ना पाण्डे र दिना पाण्डेको प्रस्तुति दिएका थिए। यस्तै वरिष्ठ गायिकाद्वय कुन्ती मोक्तान र देविका बन्दनाले पनि आफ्ना चर्चित गीत सुनाएका थिए।
शुभेच्छा खड्काले एमसीको रुपमा सञ्चालन गरेको शोको व्यवस्थापन बेटर ग्यालेक्सीले गरेको थियो। बेटर ग्यालेक्सीका प्रमुख धिरज तण्डुकारले शोलाई भव्य र सभ्य रुपमा सम्पन्न भएको बताए।
बेटर ग्यालेक्सीले हालसम्म ‘भ्यालेन्टाइन सेलिब्रेटी वक’, ‘मनसुन फेसन परेड’, ‘लिटिल पि्रन्स एण्ड पि्रन्सिस’, ‘मिस टिन नेपाल’ र ‘कायरा रनवे’ जस्ता चर्चित कार्यक्रम गरिसकेको छ।
तस्वीरः सुरेन्द्र महर्जन
