केही पहिलेका स्टार हुन् अभिनेता बिराज भट्ट । तर उनी पछिल्लो समय नेपाली चलचित्रमा त्यती देखिदैनन् । भोजपुरी चलचित्र अभिनयमा लोभिएका कारण उनका नेपाली चलचित्र कम भएका हन् । तर यि बिराज अहिले फेरी नेपाली चलचित्र प्रेमी माझ छाउने भएका छन् । अर्थात उनले नेपाली चलचित्र अभिनयमा कमब्याक गरेका छन् । ‘जयपरशुराम’ चलचित्र मार्फत उनी फेरी दर्शक माझ छाउन लागेका हुन् । 
निर्माण, अभिनयको परिचय पछि निर्देशनमा होमिएका युवा रोज राणाको निर्देशन रहेको ‘जयपरशुराम’को अहिले छायाँकन सकिएको छ । एक गीतका लागी सेट बनाएर लगातार छ दिन छायाँकन गरिए पछि चलचित्रको छायाँक सकिएको हो । ुश्रीराम बालाजी फिल्मस् को व्यानरमा बनेको चलचित्र साउन ३१ मा रिलिज गरिने घोषणा गरिसकिएको छ । फिल्ममा रामजी लामिछानेको कोरियोग्राफी छ भने रामेश्वर कार्कीको छायाँकन छ ।
