नायिका शिल्पा पोख्रेलको मुख्य भूमिका रहेको फिल्म ‘हामी शरणार्थी’को फस्ट लुक सार्वजनिक भएको छ। नायिका शिल्पा पोखरेल दुई बच्चा बोकेर बाँण हान्दै गरेको फिल्मको पोस्टर सार्वजनिक भएको छ। विजय ‘लिम्बु’ केरुङले निर्देशन गरेको यो फिल्ममा भूणानी शरणार्थीले पाएको दुःख र कष्टलाई उजागर गर्न खिजिएको छ।
फिल्ममा वैजु सिंहको पटकथा एंव संवाद र उत्तमजंग सिंहको संगीत छ। फिल्मलाई सौरभ लामाले खिचेका हुन्। कमल राईको नृत्य निर्देशन रहेको फिल्ममा हिमाल केसीको द्धन्द्ध रहेको छ। अर्जुन कुमार पोखरेल, प्रकाश भण्डारी र प्रकाश सिवाकोटीको संयुक्त लगानीमा निर्माण भएको फिल्ममा कृष्णप्रसाद पोखरेल कार्यकारी निर्माता हुन्।
एक बर्ष अघि छायांकन गरिएको यो फिल्म को प्रदर्शन मिति भने हाल सम्म तय भएको छैन। एता, शिल्पा निर्मात्री रहने फिल्म छविराज प्रोडक्सनको ‘मंगलम’ को प्रि प्रोडक्सनको कार्य सुरु भैसकेको छ।
